• KISS, Bhubaneswar - 751024
  • +91 81143 99301

କିସ୍‍ର ଆନ୍ତର୍ଜାତୀୟ ତୀରନ୍ଦାଜ ରଞ୍ଜିତ ଟୋକିଓ ଅଲିମ୍ପିକ୍‍ସ ଚୟନ ଶିବିରକୁ ମନୋନୀତ

କିସ୍‍ ଛାତ୍ର ତଥା ଆନ୍ତର୍ଜାତୀୟ ତୀରନ୍ଦାଜ ରଞ୍ଜିତ ନାୟକ ଟୋକିଓ ୨୦୨୦ ଅଲିମ୍ପିକ୍‍ ଗେମ୍‍ସ ଚୟନ ଶିବିରକୁ ମନୋନୀତ ହୋଇଛନ୍ତି। ଝାଡ଼ଖଣ୍ଡର ଜାମସେଦପୁରସ୍ଥିତ ଜେଆର୍‍ଡି ଟାଟା ସ୍ପୋର୍ଟ୍‍ସ କମ୍ଲେକ୍‍ସରେ ଆଜିଠାରୁ ୨୭ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଚୟନ ଶିବିରରେ ଯୋଗଦେଇଛନ୍ତି। ଏଥିରୁ ୪ଜଣ ରିକର୍ଭ ପୁରୁଷ ଓ ୪ ଜଣ ରିକର୍ଭ ମହିଳା ମନୋନୀତ ହୋଇ ପୁନେସ୍ଥିତ ଏଏସ୍‍ଆଇଠାରେ ଚାଲୁ ରହିଥିବା ପ୍ରଶିକ୍ଷଣ ଶିବିରରେ ତୁରନ୍ତ ଯୋଗଦେବେ। ରଞ୍ଜିତ୍‍ କିସ୍‍ର ଛାତ୍ର ହୋଇଥିବାବେଳେ ସେ ଓଡ଼ିଶାର ଏକମାତ୍ର ଖେଳାଳି ଭାବେ ଏହି ଶିବିରରେ ଯୋଗ ଦେଇଛନ୍ତି।

 ପୂର୍ବରୁ ରଞ୍ଜିତ୍‍ ପ୍ରଥମ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାରେ ବ୍ୟକ୍ତିଗତ ବର୍ଗରେ ରୌପ୍ୟ ଓ ଦଳଗତ ବର୍ଗରେ ସ୍ୱର୍ଣ୍ଣ ପଦକ ହାସଲ କରିଥିଲେ। ସେହିପରି ୨୦୧୫ରେ ସେ ସଂଘାଇଠାରେ ଅନୁଷ୍ଠିତ ହୋଇଥିବା ବିଶ୍ୱକପ୍‍ ଷ୍ଟେଜ୍‍-୧ ଓ ଷ୍ଟେଜ୍‍-୨ରେ ଅଂଶଗ୍ରହଣ କରିଥିବା ବେଳେ ୨୦୧୪ରେ ତାଇପେଇଠାରେ ଅନୁଷ୍ଠିତ ଏସୀୟ ଗ୍ରାଣ୍ଡପ୍ରିକ୍‍ସ ଚାମ୍ପିଅନ୍‍ସିପ, ୨୦୧୩ରେ ଚୀନ୍‍ର ଉକ୍‍ସୀଠାରେ ଅନୁଷ୍ଠିତ ବିଶ୍ୱ ଯୁବ ଚାମ୍ପିଅନ୍‍ସିପରେ ମଧ୍ୟ ଅଂଶଗ୍ରହଣ କରିଥିଲେ। ୨୦୧୩ରେ ଆସାମର କୋକ୍ରାଝରଠାରେ ଅନୁଷ୍ଠିତ କନିଷ୍ଠ ଜାତୀୟ ତୀରନ୍ଦାଜୀ ଚାମ୍ପିଅନ୍‍ସିପରେ ସ୍ୱର୍ଣ୍ଣପଦକ, ୨୦୧୩-୧୪ରେ ସବ୍‍-ଜୁନିଅର୍‍ ଜାତୀୟ ତୀରନ୍ଦାଜୀ ପ୍ରତିଯୋଗିତାରେ ୪ଟି ସ୍ୱର୍ଣ୍ଣ ପଦକ ହାସଲ କରିଥିଲେ।

 ଚଳିତ ଚୟନ ଶିବିରରେ ତାଙ୍କ ସହ କିସରେ ତାଙ୍କ ପ୍ରଶିକ୍ଷକ ରାଜେଶ ହାସଦାକ୍‍ ମଧ୍ୟ ଜାମସେଦପୁର ଗସ୍ତ କରିଛନ୍ତି। ସର୍ବଦା କ୍ରୀଡ଼ା ପ୍ରତିଭାମାନଙ୍କୁ ପ୍ରୋତ୍ସାହିତ ଯୋଗାଇ ଆସୁଥିବା କିସ୍‍ ପ୍ରତିଷ୍ଠାତା ଅଚ୍ୟୁତ ସାମନ୍ତ ରଞ୍ଜିତ୍‍ଙ୍କୁ ଶୁଭେଚ୍ଛା ଜଣାଇବା ସହ ତାଙ୍କ ସଫଳତା କାମନା କରିଛନ୍ତି ।

Leave A Comment

This site uses Akismet to reduce spam. Learn how your comment data is processed.

Join Our fight: Zero Poverty | Zero Hunger | Zero Illiteracy
Donate Now
close-image